«حاجي رجب » ثروتين درياسي دير!
شهريميزين ان بويوك شوراسي دير !
شورا اولماق اونون تمناسي دير !
ناماز قيلماز ،گونده گئدر نامازا !
چؤ دوشوبدور رياني ترك ائديبدير !
شهرداريلان اروپايا گئديبدير !
بودوره اون بئش ميليون وئريبدير!
بيرهفته ليگ توتوبدور بير مغازا !
تبليغ ائدير دووارلاردا اؤزوني
قازئت لرده يازيب يالان سؤزوني !
چيخارديرلار رقيب لري گؤزوني !
دئيرلر : راي وئرمه يين حقه بازا !
ائشيدميشم دئييبدير :آي جماعت !
ايسته ييرم سيزدن ائديم حمايت
هي ائديرم رقيبلن رقابت
خدمت ائديم سيزلره تازا تازا !
يالان دئيير هئچ كيمسه دن اوتانمير !
يالان دئمير ، دگيرماني دولانمير !
قارقيشلانيب آمما نيه اوزانمير ؟!
موفته خيارلاري سوخور بوغازا !!
دئييركي :من اوزالدارام بوي لاري !
قيز - اوغلانا چوخالدارام توي لاري !
قورخمايين اصلاح ائدرم سوي لاري !
دوندَرَرَم تولكي ، چاققالي غازا !!
وعده وئريب اؤولاماسين مارالي !
آنتاليا كيمين ائتسين شمالي !
كاش بيزيم تك اودااولسين صفالي !
داي آلماسين يوخاريدان اجازا
این شعر زیبا از سایت
pesteyekhandan.mihanblog.com
می باشد