گلدي اوميد ، تولكي ، شغال اوينادي !
«سوسن»و «نسرين » و «نهال» اوينادي !
ائششكيميز كوچه ده قاققيلدادي !
ائششكين اوستونده جاوال اوينادي !
چون ائشيديب :گلدي باشا غصه لر
«حاجي حسن»چالدي ؛ عيال اوينادي !
چيخدي داما ، وئردي تكان صانديقا !
قونشوموزون آدي «مارال» اوينادي !
شهريميزين اَن گؤزلي «مه لقا «
هر زادی شیرین ؛ لبی بال اوینادی
كولي كيمين مردمي شاد ائيله دي
آلنینا قویدی قاراخال اوينادي !
مشرقيميز شاد ايدي مغرب كيمين !
غصه غروبینده ، شمال اوينادي !
قالمادي كار ، كاسيب آدام حسرته !
ضبطی اوجا ایلدی ؛ لال اوينادي !
گؤردي «كليد»دسته سينين عكسيني !
ملت اولوبدور سر ِحال اوينادي !
«حاجي سليمان»يئنه مست ائيله دي !!
چيخدي چؤله چالدی قاوال اوینادی !
این شعر زیبا از سایت
pesteyekhandan.mihanblog.com
می باشد
آهنگ های زیبای رحیم شهریاری